රොටී

අවශ්‍යය ද්‍රව්‍ය:

පිටි කෝප්ප 2 1/2
ගාගත් පොල් කෝප්ප 1
කැරට්
ලීක්ස්
ළූණු
බිත්තර 1
කරපිංචා
ලුණු තේ හැදි 1
අවශ්‍ය පමණ වතුර

සාදන අයුරු:

මුලින්ම කැරට්, ලීක්ස් හා ළූණු කුඩාවට කපා ගන්න. පිටි ටික භාජනයකට දමා එකටම ගාගත් පොල්, ලුණු එකතු කර කලවම් කරන්න. දැන් ඒ මිශ්‍රණයටම පොඩියට කපාගත්ත එළවළු, කරපිංචා සහ බීට් කරගත් බිත්තරයත් එකතු කර හොඳින් කලවම් කරන්න. අවශ්‍ය නම් මෙයට උම්බලකඩ ස්වල්පයක් එකතු කරගන්න. දැන් වතුර ටික ටික එකතු කරන ගමන් පිටි මිශ්‍රණය අතේ ඇලෙන්නෙ නැති පදමට අනා කුඩා පිටි බෝල සාදාගන්න. කුඩා පිටි බෝල පොල් තෙල් ස්වල්පයක් ගාගත් පැතලි මතුපිටක තුනී කර රොටි තැටියක දමා පදමට පුලුස්සා ගන්න.